Mazda CX-5 hefur verið endurhannaður til að skapa akstursupplifun sem sameinar öryggi, þægindi og nýjustu tækni í fallegu og kraftmiklu formi. Hver lína og hvert smáatriði er hugsað út frá daglegum þörfum ökumannsins og þeim lífsstíl sem krefst sveigjanleika og áreiðanleika. Þetta er bíll sem gerir ferðalagið notalegt, hvort sem um er að ræða stuttar ferðir um borgina eða langar helgarferðir í sveitina.
Með enn betra jafnvægi og stjórn gerir nýi Mazda CX-5 aksturinn afslappaðan og þægilegan. Þú finnur fyrir mjúkri hröðun og kraftmikum aksturseiginleikum sem gefa betri tilfinningu fyrir veginum og meira öryggi bak við stýrið.
Nýi Mazda CX-5 er vandlega úthugsaður bæði að utan og innan og býður upp á aukin þægindi, hagnýta lausnir og gott rými. Hann er með meira pláss fyrir farþega og stórt farangursrými, og því tilbúinn að laga sig að því sem dagurinn hefur í vændum.
Nýi Mazda CX-5 er búinn háþróuðum öryggiskerfum og hnökralausum tengimöguleikum sem bæta akstursupplifunina. Þetta er fyrsti Mazda bíllinn með Google innbyggðu, sem býður upp á nauðsynleg smáforrit og fulla samþættingu fyrir notendavæna upplifun.
Aðlagaðu Mazda CX-5 að þínum stíl með flottum litum.
Innrétting nýja Mazda CX-5 gerir daglegt líf einfaldara með þægindum, rými og fjölhæfni. Gott axlar- og fótarými í öllum sætum tryggir afslappaðan akstur á meðan slitsterk efni og sveigjanlegt farangursrými ráða vel við hvert einasta ævintýri. Stór miðskjár og mild lýsing skapa rými sem er bæði fágað og afslappandi.
Innréttingin er hönnuð með daglegt líf í huga og er bæði þægileg og fjölhæf. Rúmt er um höfuð, axlir og fætur, og aðgengi er gott til að festa barnabílstól. Aftursætið er niðurfellanlegt í hlutfallinu 40:20:40 og rúmar á sama tíma farþega og búnað þannig að rýmið aðlagast þínum lifnaðarháttum.
Hvort sem þú ert með hjól, ferðatöskur eða innkaupapoka uppfyllir farangursrýmið ólíkar þarfir. Flatt gólf og aukin hæð gera auðveldara að hlaða og nota skottið við dagleg störf. Úthugsuð hönnun einfaldar nothæft rými og tryggir að allt sé innan seilingar.
Njóttu þæginda í rúmgóðu innanrými sem hannað er til að gefa svigrúm til að slaka á og kúpla sig út. Homura útfærslan býður auk þess upp á mjúka stemningslýsingu í sjö litum sem skapar enn þægilegra andrúmsloft og rólegt umhverfi sem aðlagast líðan þinni hverju sinni eða tíma dags.
Nýr miðskjár er hannaður til að vera vel sýnilegur fyrir alla farþega. Kerfið inniheldur gagnleg tól þannig að þú getur auðveldlega sérsniðið upplifunina. Centre-Line og Exclusive-Line eru með 12,9" skjá. Í Homura útfærslu er skjárinn enn stærri, eða 15,6".
Stafræna 10,25" mælaborðið birtir allar helstu upplýsingar, allt frá vegaleiðsögn til afþreyingar. Staðsetningin er valin til að trufla ekki ökumann og hjálpar honum að halda einbeitingu við akstur á meðan hann er ávallt tengdur.
Nýi Mazda CX-5 er búinn hágæða hljóðkerfi með 8 hátölurum sem skila skýru og vel stilltu hljóði í öllu innanrýminu. Exclusive-Line og Homura eru með Bose hljóðkerfi með 12 hátölurum fyrir enn dýpri og nákvæmari hljóðupplifun.
Vandað val á efnum í innanrýminu tryggir að þau ráði vel við álag dagsins. Auðvelt er að þrífa yfirborð þannig að innréttingin lítur vel út dag eftir dag.
Nýi Mazda CX-5 býður upp á frábæra tengimöguleika og áreiðanlega tækni sem styður hvert einasta ferðalag. Hvort sem fólk vill upplýsingar, rata á öruggan hátt eða halda stafrænu lífi sínu innan seilingar eru allar aðgerðir hannaðar til að virka hnökralaust og á náttúrulegan hátt.
Með innbyggðu Google er eins og þú hafir persónulega aðstoðarmanneskju með í bílnum sem er stöðugt tengd, hjálpsöm og sérsniðin að þér. Google Gemini, Google Maps og Google Play eru tilbúin til notkunar. Biddu Gemini um að hækka hitann, finna áfangastaðinn, hringja símtöl eða stýra samtengdum snjallheimilistækjum.
MyMazda appið heldur bíleigendum tengdum við bílinn hvar sem þau eru. Fólk getur skoðað stöðu bílsins, fundið hvar hann er staðsettur og sent leiðir beint í leiðsögukerfið, allt úr snjallsímanum. Appið er hannað til að einfalda líf eigandans með mikilvægum aðgerðum á einum stað.
Haltu tengingunni á ferðinni með Apple CarPlay og Android Auto. Nýi Mazda CX-5 hjálpar þér að halda einbeitingu við akstur með einföldum aðgangi að völdum smáforritum.
Framrúðuskjár varpar helstu upplýsingum um hraða, vegaleiðsögn og fleiri stillingar beint í sjónlínu á framrúðuna. Kerfið dregur úr truflunum og hjálpar til við að halda athyglinni á veginum. Um er að ræða látlausa en áberandi nytsamlega lausn.
Nýi Mazda CX-5 hreyfist mjúklega, nákvæmlega og örugglega við allar aðstæður. Endurbætt 2,5 lítra bensínvél skilar öflugra togi við lágan hraða fyrir aukna hröðun, betri stjórn og meiri akstursánægju. Aksturinn verður upplifun þar sem bíll og ökumaður blandast saman í eitt í anda „Jinba-Ittai“ hugmyndafræði Mazda.
Nýi Mazda CX-5 er með fágæta 2,5 lítra bensínvél með „mild hybrid“ tækni sem sameinar afköst og skilvirkni og uppfyllir Euro 6e losunarstaðla. Vélin fæst með framhjóladrifi eða fjórhjóladrifi með sjálfskiptingu og lagar sig auðveldlega að ólíkum akstursþörfum. Með dráttargetu allt að 2.000 kg verður ekkert því til fyrirstöðu að halda í næsta stóra ævintýri.
Skoðaðu laus eintök af Mazda CX-5.
Viltu prófa Mazda CX-5? Hafðu samband eða líttu við hjá okkur.
Í verðlistanum finnurðu nánari upplýsingar um bílinn og aukabúnað.
Sendu okkur skilaboð og við höfum samband.
